ఏపీ మాజీ ఉప ముఖ్యమంత్రి ఆళ్ల నాని మృతి పట్ల మంత్రి పొన్నం ప్రభాకర్ సంతాపం..
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : ఆంధ్రప్రదేశ్ మాజీ ఉప ముఖ్యమంత్రి, మాజీ మంత్రి, మాజీ ఎమ్మెల్యే ఆళ్ల నాని ఆకస్మిక మృతి పట్ల రాష్ట్ర రవాణా మరియు బీసీ సంక్షేమ శాఖ మంత్రి పొన్నం ప్రభాకర్ తీవ్ర దిగ్భ్రాంతి వ్యక్తం చేశారు.ఆళ్ల నాని తనకు యూత్ కాంగ్రెస్లో సహచరుడిగా ఎంతో చురుగ్గా పనిచేసేవారని మంత్రి పొన్నం ప్రభాకర్ గుర్తు చేసుకున్నారు. ప్రజా సమస్యలపై నిర్వహించిన అనేక ప్రజా ఉద్యమాల్లో ఆయనతో కలిసి పనిచేశానని తెలిపారు.మూడు సార్లు ఎమ్మెల్యేగా ఎన్నికై ప్రజలకు సేవలందించిన ఆళ్ల నాని, ప్రజా జీవితంలో తనకంటూ ప్రత్యేక గుర్తింపు సంపాదించుకున్నారని మంత్రి కొనియాడారు. ప్రజా సమస్యల పట్ల నిబద్ధతతో పని చేశారని ఆయన మరణం ప్రజా జీవితానికి తీరని లోటని పేర్కొన్నారు. ఆళ్ల నాని ఆత్మకు శాంతి చేకూరాలని భగవంతుడిని ప్రార్థించిన మంత్రి పొన్నం ప్రభాకర్, ఆయన కుటుంబ సభ్యులకు, బంధువులకు, అభిమానులకు తన ప్రగాఢ సానుభూతిని తెలియజేశారు.
Admin
E Nivas News
మరిన్ని వార్తలు
Developed By :
