మహాశివరాత్రి 'శివుడి' పరమతత్వం 'నేటి సమాజానికి' మార్గదర్శకం
ఇ నివాస్ న్యూస్ - తెలంగాణ / పెద్దపల్లి /మంథని : భారతీయ ఆధ్యాత్మిక సంప్రదాయంలో మహా శివరాత్రి ఒక సాధారణ పండుగ కాదు, అది అజ్ఞానం నుంచి జ్ఞానానికి, అహంకారం నుంచి వినయానికి, అశాంతి నుంచి శాంతికి తీసుకెళ్లే ఆధ్యాత్మిక సాధన రాత్రి. ఈ పవిత్ర రాత్రి శివతత్త్వాన్ని గ్రహించడానికి, మన అంతరంగాన్ని పరిశీలించడానికి ఒక అపూర్వ అవకాశం. శివరాత్రి మహాత్మ్యం పురాణాల ప్రకారం ఈ రాత్రికి అనేక ఆధ్యాత్మిక విశేషాలు ఉన్నాయి. *లింగోద్భవ తత్త్వం* ఈ రాత్రి అనంత జ్యోతి రూపంలో శివుడు ప్రత్యక్షమయ్యాడని విశ్వాసం. ఇది శివుడు ఆది, అంతం లేని పరబ్రహ్మ స్వరూపం అని సూచిస్తుంది. *శివ.....పార్వతి కల్యాణం* శివశక్తుల ఐక్యం సృష్టి సమతుల్యతకు ప్రతీక. పురుష–ప్రకృతి సమన్వయం జీవనానికి అవసరమని ఈ సంఘటన సూచిస్తుంది. *జాగరణ....అంతరంగ మేల్కొలుపు* శివరాత్రి జాగరణ కేవలం నిద్రలేకుండా ఉండటం కాదు, మనలోని అజ్ఞానాన్ని తొలగించి చైతన్యాన్ని మేల్కొల్పడం. *శివుడి పరమ తత్త్వం* 1.శివుడు, పరబ్రహ్మ శివుడు ఒక రూపం మాత్రమే కాదు, సర్వవ్యాప్త చైతన్యం. ఆయనలోనే సృష్టి, స్థితి, లయ సమన్వయం. 2.వైరాగ్య తత్త్వం భోగాలను వదిలి యోగాన్ని ఎంచుకున్న శివుడు మనకు అవసరమైన జీవనం నేర్పుతాడు. అధిక ఆశలు బాధలకు మూలమని సూచిస్తాడు. 3.సమానత్వ సందేశం శివుడి వద్ద దేవతలతో పాటు గణాలు, పిశాచాలు, నాగాలు అందరికీ స్థానం ఉంది. ఇది కుల, వర్గ, భేదాలకు అతీతమైన సమానత్వాన్ని సూచిస్తుంది. 4.నీలకంఠ తత్త్వం బాధను స్వీకరించి లోకక్షేమం హాలాహలాన్ని త్రాగి ప్రపంచాన్ని రక్షించిన శివుడు మనకు స్వార్థరహిత సేవ గొప్పతనాన్ని బోధిస్తాడు. 5.నటరాజ తత్త్వం మార్పు శాశ్వతం శివుడి తాండవం జీవితం నిరంతర మార్పులో ఉందని తెలియజేస్తుంది. మార్పును అంగీకరించడం జీవన జ్ఞానం. 1.ఒత్తిడిలో ధ్యానం అవసరం శివుడు యోగేశ్వరుడు. నేటి మానసిక ఒత్తిడిని తగ్గించడానికి ధ్యానం, యోగం అవసరం. 2.సమానత్వం సామాజిక సమతుల్యతకు మూలం జాతి, మత, వర్గ విభేదాలు పెరుగుతున్న సమయంలో శివతత్త్వం సమానత్వాన్ని బోధిస్తుంది. 3.వినయం, అహంకారానికి ప్రత్యామ్నాయం అధిక ఆస్తి, అధికారం ఉన్నా శివుడు భస్మధారణతో సాదాసీదా జీవనం గడుపుతాడు. ఇది వినయం గొప్పతనాన్ని చూపిస్తుంది. 4.ప్రకృతి సంరక్షణ శివుడు పర్వతాలు, నదులు, నాగాలు, జంతువులతో అనుబంధం కలిగిన దేవుడు. ఇది ప్రకృతి పరిరక్షణకు సందేశం. 5.చెడును స్వీకరించి మంచిని కాపాడడం నీలకంఠ తత్త్వం, సమస్యలను పారద్రోలకుండా, పరిష్కరించి సమాజాన్ని రక్షించాలి. *శివరాత్రి ఆచరణలో తత్త్వం* శివరాత్రి రోజున చేసే ఆచారాల వెనుక ఉన్న తత్త్వం. 1.ఆచారం 2.తత్త్వం 3.ఉపవాసం 4.ఇంద్రియ నియంత్రణ 5.జాగరణ 6.చైతన్య మేల్కొలుపు 7.అభిషేకం 8.మనస్సు శుద్ధి "ఓం నమః శివాయ" జపం 9.ఆత్మశాంతి శివరాత్రి మనకు ఒక గొప్ప ఆధ్యాత్మిక సందేశం ఇస్తుంది. మనలోని అంధకారాన్ని తొలగించి జ్ఞానజ్యోతిని వెలిగించుకోవడం శివుడి పరమతత్త్వం మనకు నేర్పేది. సమానత్వం, త్యాగం, వినయం, ధ్యానం, ప్రకృతి ప్రేమ నేటి సమాజం శివతత్త్వాన్ని ఆచరణలో పెట్టగలిగితే శాంతి, సామరస్యం,ధర్మం స్థిరపడతాయి. "ఓం నమః శివాయ శివం శాంతం శుభం!" --డా.ఓర్సు రాయలింగు 9849446027
Admin
E Nivas News
మరిన్ని వార్తలు
Developed By :
