కాంక్రీట్ పనులు చేసుకొనే బీహారి కూలీ దుర్మరణం
ఇ నివాస్ న్యూస్ - తెలంగాణ / ఉమ్మడి ఆదిలాబాద్ (ప్రతినిధి) / లక్షెట్టిపేట : మంచిర్యాల జిల్లా మందమర్రి పరిసర ప్రాంతంలో శనివారం మధ్యాహ్నం చోటుచేసుకున్న దుర్ఘటనలో ఒక బీహారి కూలీ ప్రాణాలుకోల్పోయాడు. వివరాల్లోకి వెళ్తే సబ్స్టేషన్ వెనుక భాగంలో కాంక్రీట్ పనులు జరుగుతున్నాయి. అదే సమయంలో అక్కడ పనిచేస్తున్న కూలీలు పనులు పూర్తి చేసి, భోజనం అనంతరం సమీపంలోని పత్తి తోటలో విశ్రాంతి తీసుకుంటున్నారు. ఈ క్రమంలో కాంక్రీట్ మిక్సింగ్ మిల్లర్ డ్రైవర్ అజాగ్రత్తగా వాహనాన్ని నడపడంతో, అక్కడే నిద్రిస్తున్న బీహార్కు చెందిన కూలీ కాచు ప్రసాద్ (43)ను ఢీకొట్టాడు. ఈ ప్రమాదంలో ఆయనకు తీవ్ర గాయాలు తగలడంతో అక్కడికక్కడే మృతి చెందినట్టు పోలీసులు తెలిపారు. సంఘటన స్థలానికి చేరుకున్న మందమర్రి ఎస్సై రాజశేఖర్ మృతదేహాన్ని పరిశీలించి, కేసు నమోదు చేసి దర్యాప్తు ప్రారంభించారు. మృతదేహాన్ని పోస్టుమార్టం కోసం స్థానిక ప్రభుత్వ ఆసుపత్రికి తరలించారు. ఈ విషాద ఘటనతో సహచర కూలీలు దిగ్భ్రాంతికి గురయ్యారు. పోలీసులు మిల్లర్ డ్రైవర్ నిర్లక్ష్యమే ఈ ప్రమాదానికి కారణమని ప్రాథమికంగా భావిస్తున్నారు.
Admin
E Nivas News
మరిన్ని వార్తలు
Developed By :
