అనుబంధాల వేదిక రాఖీ పండుగ -తమ్ముడి మణికట్టుపై అక్క ప్రేమ పాఠాలు :- భావన వినోద్ కుమార్(టిడిపి కల్చరల్ అధ్యక్షుడు
ఇ నివాస్ న్యూస్ - ఆంధ్రప్రదేశ్ / నంద్యాల/ పాములపాడు : పాములపాడు మండలంలోని, బుద్ధ నగర్ గ్రామంలో రాఖీ పౌర్ణమి సందర్భంగా తన అక్క, తమ్ముడైనటువంటి టిడిపి పాములపాడు మండల కల్చర్ అధ్యక్షుడు భావన వినోద్ కుమార్ కు రాఖీ కట్టి శుభాకాంక్షలు తెలియజేయడం జరిగింది. ఈ సందర్భంగా భావన వినోద్ కుమార్ తన అక్కకు కృతజ్ఞతలు తెలియజేసి మాట్లాడుతూ *రక్షాబంధన్ ఎలా మొదలైంది*. రక్షాబంధన్ పుట్టుకకు సంబంధించి అనేక కథనాలు ఉన్నాయి. హిందూ పురాణాలు, ఇతిహాసాల్లో రక్షా సూత్రం గురించి పలు కథనాలు కనిపిస్తాయి. ముఖ్యంగా ఇంద్రుడు–ఇంద్రాణి, శ్రీకృష్ణుడు–ద్రౌపది, లక్ష్మీదేవి–బలి చక్రవర్తి కథలు రాఖీ సంప్రదాయంతో ముడిపడి ఉన్నాయన్నారు. రక్షాబంధన్ అంటే అన్నాచెల్లెళ్లు, అక్కాతమ్ముళ్ల మధ్య ప్రేమను గుర్తుచేసుకునే పండుగ మాత్రమే కాదు.. రక్షణ, ఆప్యాయత, నమ్మకానికి ప్రతీకగా భావించే ప్రత్యేకమైన రోజు. ప్రతి ఏడాది శ్రావణ పౌర్ణమి రోజున ఈ పండుగను జరుపుకుంటారనీ అన్నారు. ‘రక్ష’ అంటే రక్షణ, ‘బంధన్’ అంటే బంధం అని అర్థం. అందుకే రాఖీని రక్షణకు ప్రతీకగా భావిస్తారనీ అన్నారు. రాఖీ, రక్షా బంధన్ లేదా రాఖీ పౌర్ణమి అని పిలిచే ఈ పండుగను కొన్ని ప్రాంతాలలో శ్రావణ పౌర్ణమి లేదా జంద్యాల పూర్ణిమ అని కూడా పిలుస్తారు.అన్నాచెల్లెళ్లు లేదా అక్కాతమ్ముళ్ల మధ్యన ప్రేమానురాగాలకు సూచకంగా ఈ పండుగను జరుపుకుంటారు. అన్నకుగాని తమ్మునికిగాని ప్రేమ సూచకంగా సోదరి కట్టే రాఖీ అని పిలిచే ఒక పట్టీని కట్టడం ఈ పండుగ ప్రాధాన్య విశేషం. రాఖీ అనగా రక్షణ బంధం. ఇది అన్నా చెల్లెల్లు, అక్కా తమ్ముళ్ళు జరుపుకునే మహోత్తరమైన పండుగ. చెల్లి తన అన్నయ్య మహోన్నత శిఖరాలకు ఎదగాలని కోరుకుంటూ అన్నయ్యకు కట్టేదే ఈ రాఖీ.సాధారణంగా జంధ్యాన్ని ధరించేవారు ఈ రోజునే పాతది వదిలి కొత్త దానిని ధరిస్తారు.ఉపనయనం అయిన వారు జంధ్యాల పౌర్ణమి రోజు గాయత్రీ పూజచేసి కొత్త యఙ్ఞోపవీతాన్ని ధరించి పాతది తీసివేస్తారనీ అన్నారు. *ముగింపు:* కాలక్రమేణా ఈ రక్షాసూత్ర ఆచారం అన్నాచెల్లెళ్ల పండగగా రూపాంతరం చెందింది. రక్తసంబంధం ఉన్నా లేకపోయినా.. ప్రేమానురాగాలు, పరస్పర రక్షణను చాటిచెప్పే సంప్రదాయంగా నేటికీ ఈ రాఖీ పౌర్ణమి వెలుగొందుతోంది. ఈ రక్షాసూత్ర ఆచారం అన్నా,చెల్లెళ్ల పండగగా రూపాంతరం చెందిందన్నారు. రక్తసంబంధం ఉన్నా లేకపోయినా.. ప్రేమానురాగాలు, పరస్పర రక్షణను చాటిచెప్పే సంప్రదాయంగా నేటికీ ఈ రాఖీ పౌర్ణమి వెలుగొందుతోందనీ టిడిపి పాములపాడు మండల కల్చర్ అధ్యక్షుడు భావన వినోద్ కుమార్ తెలిపారు.
Admin
E Nivas News
మరిన్ని వార్తలు
Developed By :
