15వ శతాబ్దంలో నిర్మించిన యాగంటి ఉమామహేశ్వర స్వామి ఆలయం చరిత్ర
ఇ నివాస్ న్యూస్ - ఆంధ్రప్రదేశ్ / నంద్యాల : ఆంధ్రప్రదేశ్ రాష్ట్రం, నంద్యాల జిల్లాలోని, బనగానపల్లె సమీపంలో ఉన్న యాగంటి ఉమామహేశ్వర స్వామి ఆలయం 15వ శతాబ్దంలో విజయనగర రాజుల కాలంలో నిర్మించబడిన ప్రసిద్ధ శైవక్షేత్రం. ఇక్కడ శివపార్వతులు అర్ధనారీశ్వర రూపంలో ఒకే శివలింగంపై దర్శనమిస్తారు. అగస్త్య మహర్షి ఇక్కడ తపస్సు చేసి శివుని ప్రత్యక్షం చేసుకున్నాడని ఇతిహాసాలు చెబుతున్నాయి. ఆలయ చరిత్ర - విశేషాలునిర్మాణం ఈ విధంగా ఉన్నాయి. ఈ యాగంటి దేవాలయం 15వ శతాబ్దంలో విజయనగర సామ్రాజ్య సంగమ వంశ రాజులైన హరిహర, బుక్కరాయల చేత అభివృద్ధి చేయబడింది. అగస్త్య మహర్షి: అగస్త్యుడు ఇక్కడ వెంకటేశ్వర స్వామి విగ్రహం ప్రతిష్టించాలనుకోగా, విగ్రహం బొటనవేలు విరగడంతో శివుని ఆరాధించాడు. శివుడు ప్రత్యక్షమై ఇది శిక్షక్షేత్రమని చెప్పడంతో ఉమామహేశ్వరులను ప్రతిష్టించారు. ఇక్కడి నందీశ్వరుని విగ్రహం (యాగంటి బసవన్న) క్రమంగా పరిమాణంలో పెరుగుతోందని భక్తుల నమ్మకం. ప్రతి 20 ఏళ్లకు నంది విగ్రహం ఒక అంగుళం మేర లావు పేరుతోందని ఆర్కియాలజీ సర్వే అంచనా, ఈ క్షేత్రంలో కాకులు అసలు కనిపించవు అంటారు. కారణం ఏమిటంటే అగస్త్య మహర్షి తపస్సుకు భంగం కలిగించవద్దని కాకులను శపించాడని ఇక్కడ చెబుతారు. ఇక్కడ గుహలు కూడా ఉన్నాయి. ఆలయ సమీపంలో అగస్త్య గుహ, వెంకటేశ్వర గుహ మరియు వీరబ్రహ్మేంద్ర స్వామి తపస్సు చేసిన గుహలు ఉన్నాయి.
Admin
E Nivas News
మరిన్ని వార్తలు
Developed By :
