ఆత్మకూరు జూనియర్ ఫారెస్ట్ అసోసియేషన్ ఆధ్వర్యంలో నూతన క్యాలెండర్లు, డైరీలు ఆవిష్కరణ
ఇ నివాస్ న్యూస్ - ఆంధ్రప్రదేశ్ / నంద్యాల / ఆత్మకూరు : ఆత్మకూరు వన్యప్రాణి అటవీ డివిజన్ పరిధిలో విధులు నిర్వహిస్తూ అడవి సంపద, పెద్ద పులుల సంరక్షణతో పాటు పర్యావరణం కాపాడుతూ విధి నిర్వహణలో ముందుకెళ్తున్న ఎఫ్బి ఓ, ఏపీఓ లకు, ప్రజల్లో అరుదైన గౌరవం ఉండే విధంగా ఆత్మకూరు వన్యప్రాణి డిప్యూటీ డైరెక్టర్ విగ్నేష్ అప్పావో తో గురువారం పట్టణంలోని, వన్యప్రాణి డివిజన్ కార్యాలయంలో ఆత్మకూరు జూనియర్ ఫారెస్ట్ అసోసియేషన్ అధ్యక్షుడు అనిల్ కుమార్ ఆధ్వర్యంలో 2026 సంవత్సరం నూతన క్యాలెండర్, డైరీలను ఆవిష్కరించారు. ముందుగా అటవీశాఖ బీట్ అధికారులకు, అసిస్టెంట్ బీట్ ఆఫీసర్లకు, పిక్ క్యాప్ లను పంపిణీ చేశారు. ఈ సందర్భంగా ఆత్మకూరు జూనియర్ ఫారెస్ట్ అసోసియేషన్ అధ్యక్షుడు అనిల్ కుమార్ మాట్లాడుతూ అటవీ శాఖలో 1989 సంవత్సరంలో జీవో నెంబర్-10551/ఐ వి/98-1 అమలు చేయడం డిప్యూటీ డైరెక్టర్ విగ్నేష్ అప్పావో కి సాధ్యమైందని తెలియజేశారు. అటవీ శాఖలో ప్రతి ఉద్యోగి యూనిఫామ్ దుస్తులను ధరించి ప్రజల్లో ఉంటే అరుదైన గౌరవం అటవీశాఖ ఉద్యోగులకు వస్తుందని వివరించారు. అటవీశాఖ ఉద్యోగుల సమస్యలపై పరిష్కరిస్తూ విధి నిర్వహణలో అన్ని విధాలుగా అటవీశాఖ సిబ్బందికి తోడ్పాటు అందిస్తున్న ఆత్మకూరు వన్యప్రాణి డిప్యూటీ డైరెక్టర్ విగ్నేష్ అప్పావో కి, ఆత్మకూరు జూనియర్ ఫారెస్ట్ అసోసియేషన్ తరపున ప్రత్యేక అభినందనలు తెలియజేశారు. వీరి వెంట జూనియర్ ఫారెస్ట్ అసోసియేషన్ కమిటీ సభ్యులు వైస్ ప్రెసిడెంట్- సయ్యద్ పీరా, సెక్రెటరీ- ఎస్.జెడ్. తాహిర్ అహ్మద్, ఆర్గనైజర్ సెక్రెటరీ- కావేరి, జాయింట్ సెక్రెటరీ- తమ్మిశెట్టి కుమార్, ట్రెజరర్- ఆబిదా, కమిటీ సభ్యులు తదితరులు పాల్గొన్నారు.
Admin
E Nivas News
మరిన్ని వార్తలు
Developed By :
