కార్పోరేట్ శక్తులకు ఊడిగం చేస్తున్న పాలక ప్రభుత్వాలు
సిపిఎం పార్టీ జిల్లా కార్యదర్శి టి.రమేష్ కుమార్
ఇ నివాస్ న్యూస్ - ఆంధ్రప్రదేశ్ / నంద్యాల/ పాములపాడు : పాములపాడు మండల కేంద్రంలో ఉన్న నెమలి వెంకట్ రెడ్డి భవన్ సిపిఎం కార్యాలయంలో సిపిఎం మండల కమిటీ సమావేశం టి.వెంకటేశ్వరరావు అధ్యక్షతన మంగళవారం నిర్వహించడం జరిగింది ముఖ్యఅతిథిగా సిపిఎం పార్టీ జిల్లా కార్యదర్శి- టి.రమేష్ కుమార్ హాజరయ్యారు. ఈ సందర్భంగా ఆయన మాట్లాడుతూ కేంద్ర ప్రభుత్వం కార్పొరేట్ శక్తులను ప్రోత్సహిస్తూ పేద మధ్యతరగతి ప్రజానీకానికి తీరని అన్యాయం చేస్తుందని బిజెపి సిద్ధాంతాలను ప్రోత్సాహంచేస్తూ రాజ్యాంగ సవరణ చేయాలంటూ ప్రభుత్వ రంగ సంస్థలను ప్రైవేటుపరం చేయాలని విద్యుత్ కూడా ప్రైవేట్ రంగానికి అప్పజెప్పేందుకు కుట్రలు పన్నుతున్నారన్నారు. కేంద్రంలో ఉన్న బిజెపి ప్రభుత్వం రాష్ట్రాలపై పన్నుల బరాలు మోపుతూ పెత్తనం చెలాయిస్తుందని ఆరోపించారు. మహాత్మా గాంధీ జాతీయ ఉపాధి హామీ పథకం పేరు మార్చి, వికసిత్ భారత్ జిరాంజీ పార్లమెంట్లో చట్టం చేసి కేంద్ర ప్రభుత్వం నిధుల వాటాను 90 శాతం ఉన్న వాటను 60% కుదించి రాష్ట్రాల వాటా 10 శాతం ఉంటే, 40 శాతానికి పెంచి నిర్వీర్యం చేశారన్నారు. గ్రామీణ ప్రాంతాల్లో ఉన్న పేద రైతులకు ఇతర వృత్తిదారులకు వ్యవసాయ కూలీలకు ఈ చట్టం వరం లాంటిదని ఎంతగానో ప్రయోజనకరంగా ఉంటుందని అలాంటి చట్టాన్ని పేరు మార్పు చేసి ఏం సాధిస్తారని ఆయన ప్రశ్నించారు. మహిళలకు సమాన పని సమాన వేతనం ఇవ్వడం లేదని ఆవేదన వ్యక్తం చేశారు. కార్పొరేట్ శక్తుల ఒత్తిడికి తలోగ్గి కొత్త చట్టాలు అమలు పేరుతో విత్తన చట్టాన్ని విదేశీ కంపెనీల చేతులలో పెడుతూ ఈ దేశ రైతాంగానికి తీవ్రమైన అన్యాయం చేస్తుందన్నారు. లేబర్ కోడ్ పేరుతో 29 రకాల కార్మిక హక్కుల చట్టాలను నాశనం చేస్తు కార్మిక వర్గానికి తీవ్ర అన్యాయం చేస్తుందన్నారు. దేశంలో పరిస్థితులను చూస్తుంటే ప్రశ్నించే వారిని అణచివేసే చర్యలకు పాల్పడుతున్నారని ఆగ్రహం వ్యక్తం చేశారు. వైద్య కళాశాలలను కార్పొరేట్ శక్తులకు ధారాధత్వం చేయడం లాంటి చర్యలకు కేంద్ర రాష్ట్ర ప్రభుత్వాలు ఒడిగట్టడం దుర్మార్గమన్నారు. దేశంలో రెండే ఐడియాలజీలు ఉన్నాయని ఒకటి పెట్టుబడి విధానం కాగా మరొకటి సోషలిజం అని తెలిపారు. పెట్టుబడిదారీ వ్యవస్థను కార్మికులు పేదల పక్షాన ప్రశ్నించే సత్తా కమ్యూనిస్టు పార్టీకి మాత్రమే ఉందని స్పష్టం చేశారు. రానున్న రోజుల్లో ప్రభుత్వ విధానాలకు వ్యతిరేకంగా రైతుల్ని, కార్మికులను, కర్షకులను ఉపాది కూలీలను సమీకరించి పెద్ద ఎత్తున పోరాటాలు నిర్వహించాలని పిలుపునిచ్చారు. ఈ కార్యక్రమంలో జిల్లా కార్యవర్గ సభ్యులు ఎం.నాగేశ్వరావు, సిపిఎం పార్టీ మండల కార్యదర్శి డి.స్వామన్న, ఏం.రాజు, ఎస్.బాలయ్య, బాల యేసు, బి.రమణమ్మ, అంజలి, శ్రీను, తదితరులు పాల్గొన్నారు.
Admin
E Nivas News
మరిన్ని వార్తలు
Developed By :
