దివికి ఎగసిన బాలీవుడ్ డ్రీమ్ బాయ్, ఏక్షన్ మాన్, హీమాన్, (ధరమ్ జి) ధర్మేంద్ర మృతికి సంతాపం తెలిపిన ప్రముఖులు
ఇ నివాస్ న్యూస్ - ఆంధ్రప్రదేశ్ / అమరావతి : హిందీ చలన చిత్ర పరిశ్రమ సీనియర్ హీరో డ్రీమ్ బాయ్ (1960-1966) ఏక్షన్ హీరో (1966-1977) హిమాన్ (1977-1990) ధర్మేంద్ర సింగ్ డియోల్ (ధర్మేంద్ర,89) మృతి పట్ల ఆంధ్రప్రదేశ్ సేవా భారతి యూత్ రూరల్ డెవలప్మెంట్ సొసైటీ అధ్యక్షుడు- ఎస్.షర్ఫద్దీన్ అలి, ముఖ్యమంత్రిలు, ప్రముఖ రాజకీయ నాయకులు, పలువురు సినీ ప్రియులు ఘనంగా నివాళులు అర్పిస్తున్నారు. ధర్మేంద్ర సింగ్ డియోల్ 1935 లో పంజాబ్ లూథియానాలో జన్మించారన్నారు. ఫిలిం ఫేర్ సినీ ప్రతిక నిర్వహించిన స్టార్ హంట్ ద్వారా సీనియర్ హీరో బలరాజ్ సహానీ హీరో గా నిర్మితమైన దిల్ తెర హంభీ తెర చిత్రం ద్వారా సైడ్ హీరోగా వెండి తెరకు పరిచయం అయ్యారన్నారు. అనంతరం హకీకతు (1964) చిత్రంలో దేశం కోసం పోరాటం చేసే ఒక సైనికుడుగా నటించి మెప్పించారన్నారు. 1966లో మీనా కుమారి కథానాయికగా నటించగా విడుదల అయిన ఫూల్ ఆర్ పత్తర్ చిత్రంలో కథానాయకుడిగా నటించి ఒక మంచి యాక్షన్ హీరోగా గుర్తింపు తెచ్చుకున్నారన్నారు. ఇదే చిత్రం తెలుగులో ఎన్టీఆర్ హీరోగా నిండు మనస్సులుగా రీమేక్ అవ్వడం విశేషం అన్నారు. అనంతరం అదే ఇమేజ్ తో మేర గావున్, యాదోంకి భారత్ (అన్నదమ్ముల అనుబంధం), సీత ఔర్ గీతా(గంగా మంగ), షోలే, చుప్కే చుప్కే, శాలిమార్, బర్నింగ్ ట్రైన్, నౌకరు బీవీ క, రామ బల్ రామ్,తదితర చిత్రాలలో యాక్షన్ హీరోగా నటించి మెప్పించారన్నారు. ధరమ్ వీర్ (సింహబలుడు), సామ్రాట్, లోహ, హుకుమత్, సోని పే సుహాగ్, రాజ్ తిలక్, షెహజాదే, కత్రోంక కిలాడి, (సింహస్వప్నం), దుష్మాన్ దేవత, బట్వార, జాన్ హాతేలి పే, తదితర చిత్రాలలో హీమాన్ హీరోగా నటించి ప్రేక్షకులను మెప్పించారన్నారు. 1970 వ దశకంలో ధర్మేంద్ర, హేమామాలిని ఒక సూపర్ హిట్ జంటగా పేరు తెచ్చుకున్నారు. 2012 లో పద్మ భూషణ్ అవార్డ్ అందుకోవడం జరిగిందన్నారు. ఆల్ ఇండియా సూపర్ స్టార్ అమితాబ్ బచ్చన్ తో తొలి సారిగా 1975 లో నటించారు. చుప్కే చుప్కే, షోలే చిత్రాలలో నటించారు. రెండు సినిమాలు హృషి కేశ ముఖర్జీ, రమేష్ సిపి దర్శకత్వంలో నిర్మించబడ్డాయి. అమితాబ్ బచ్చన్, ధర్మేంద్ర సూపర్ హిట్ కాంబినేషన్ గా పేరు తెచ్చుకున్నారు. తన చివరి సినిమాగా కరణ్ జోహార్ దర్శకత్వంలో రణవీర్ సింగ్ అలియాభట్ జంటగా నటించిన రాకీ ఔర్ రాణికి ప్రేమ్ (2023) చిత్రంలో నటించారు. తన యొక్క 60ఏళ్ల సినిజీవితంలో 300 చిత్రాలలో నటించారు. అతి ఎక్కువ మల్టీ స్టార్ చిత్రాలలో నటించిన హీరోగా కూడా ధర్మేంద్ర పేరు తెచ్చుకున్నారు. ఇండియన్ షో మ్యాన్ రాజకపూర్ ప్రతిష్టాత్మకంగా నిర్మించిన మేర నామ్ జోకర్ సినిమాలో సర్కస్ ప్లేయర్ ధర్మేంద్ర నటించి మెప్పించారు. హిందీ ప్రముఖ హీరో ధర్మేంద్ర మృతికి ఆంధ్ర ప్రదేశ్ సేవా భారతి యూత్ రూరల్ డెవలప్మెంట్ సొసైటీ అధ్యక్షుడు- ఎస్.షర్ఫద్దీన్ అలి, మరియు పలువురు రంగస్థల కళాకారులు, సినీ అభిమానులు పైవిధంగా తమ యొక్క ఘన నివాళి సందేశంలో పేర్కొన్నారు.
Admin
E Nivas News
మరిన్ని వార్తలు
Developed By :
