పాములపాడు మండలాన్ని కరువు మండలంగా ప్రకటించాలని డిటి, ఆర్ఐ లకు వినతి పత్రం సమర్పించిన సిపిఐఎంఎల్ జిల్లా కార్యదర్శి పిక్కిలి.వెంకటేశ్వర్లు

Date : 13 August 2026 05:53 PM Views : 76

ఇ నివాస్ న్యూస్ - ఆంధ్రప్రదేశ్ / నంద్యాల/ పాములపాడు : సిపిఐ ఎంఎల్ లిబరేషన్ పార్టీ ఆధ్వర్యంలో పాములపాడు మండల తహసిల్దార్ కార్యాలయం ముందు ధర్నా నిర్వహించడం జరిగింది. ధర్నా అనంతరం డిప్యూటీ తహాసిల్దార్ షేక్. పఠాన్ బాబు, ఆర్ఐ- డి.ఖాజాబి లకు వినతిపత్రం అందజేశారు. ఈ ధర్నా కార్యక్రమానికి వడ్డే శ్రీరాములు అధ్యక్షత వహించారు. ఈ సందర్భంగా లిబరేషన్ పార్టీ జిల్లా కార్యదర్శి పిక్కిలి వెంకటేశ్వర్లు మాట్లాడుతూ పాములపాడు మండలంలో 2026 ఖరీఫ్ లో జూన్ మాసంలో 35%. వర్షం నమోదయిందని, వర్షాలు బాగా పడతాయని ఆశతో రైతులు మండలంలో, గ్రామీణ ప్రాంతాల్లో మొక్కజొన్న, పత్తి, మినుము, సోయాబీన్ తదితర పంటలు వేయడం జరిగిందని అన్నారు. అయితే జూన్, జూలై మాసం మొత్తం కలిపి. 40% కూడా వర్షం నమోదు కాలేదని, వర్షం లేకపోవడంతో రైతుల పంటలు ఎండిపోయి ట్రాక్టర్లతో చెడగొట్టడం జరిగిందన్నారు. మరి కొంతమంది రైతులు మొక్కజొన్న పంటను మేకలకు, గొర్రెలకు వదిలివేయడం జరిగిందన్నారు. రైతులు & కౌలు రైతులకు పంటల పెట్టుబడిగా విత్తనాలు, ఎరువులు, వ్యవసాయ ఖర్చులు ఎకరాకు 40.000 పైనే బ్యాంకు ప్రైవేట్ అప్పులు తీసుకొచ్చి పంటలు సాగుచేసిన చేతికి రాకపోవడంతో రైతులు దిక్కు తోచని పరిస్థితిలో ఉన్నారని ఆవేదన వ్యక్తం చేశారు. రైతులు పంటలు పూర్తిగా నష్టపోయిన రాష్ట్ర ప్రభుత్వం ముఖ్యమంత్రి చంద్రబాబునాయుడు, ఉప ముఖ్యమంత్రి పవన్ కళ్యాణ్, మంత్రి అచ్చం నాయుడు లు స్పందించకపోవడం రైతుల పట్ల ఎంత మాత్రం ప్రేమ ఉందో అర్థం అవుతుందన్నారు. తక్షణమే ఇప్పటికైనా రాష్ట్ర ప్రభుత్వం స్పందించి రైతుల నష్టాలను దృష్టిలో ఉంచుకొని పాములపాడు మండలాన్ని కరువు మండలంగా ప్రకటించాలనీ రైతులకు ఎకరాకు 50.000 నష్టపరిహారం ఇవ్వాలని, ప్రతి రైతుకు బ్యాంకుల ద్వారా రెండు లక్షల రూపాయలు రుణమాఫీ చేయాలని, రబి సీజన్లో రైతులు పంటలు వేసుకోవడానికి అన్ని రకాల విత్తనాలను పూర్తి సబ్సిడీతో ఇవ్వాలని, 60 సంవత్సరాలు దాటిన ప్రతి రైతుకు నెలకు పదివేల రూపాయలు పెన్షన్ ఇవ్వాలని, నందికొట్కూరు నియోజవర్గంలో ఉన్న ఎత్తిపోతల పథకాల ద్వారా తక్షణమే సాగు, త్రాగునీటిని విడుదల చేయాలని డిమాండ్ చేశారు. ఈ సమస్యలను పరిష్కరించకపోతే రాబోయే కాలంలో సిపిఐ( ఎంల్ ) లిబరేషన్ పార్టీ అఖిలభారత కిసాన్ మహాసభ ఆధ్వర్యంలో రైతులను కలుపుకొని పెద్ద ఎత్తున ఉద్యమాలు చేస్తామని వారు హెచ్చరించారు. ఈ కార్యక్రమంలో నందికొట్కూరు మండల కార్యదర్శి కాటేపోగు స్వామన్న. నాయకులు పిక్కిలి పుల్లయ్య, తదితరులు పాల్గొన్నారు.

లోకల్ యాడ్స్

మరిన్ని వార్తలు