మహాత్మా జ్యోతిరావు పూలే విగ్రహంపై దాడి చేసిన దుండగులను అరెస్టు చేయాలి
ప్రజా సంఘాల నాయకులు
ఇ నివాస్ న్యూస్ - ఆంధ్రప్రదేశ్ / కర్నూల్ : కరీంనగర్ జిల్లా, రామచంద్రాపురం మండలంలోని, తెల్లాపూర్ గ్రామంలో మహాత్మా జ్యోతిరావు పూలే విగ్రహంపై దాడి చేసిన మనువాద దుండగులను అరెస్టు చేయాలని, వారిపై కఠిన చర్యలు తీసుకోవాలి అని ఎస్సీ ఎస్టీ బిసి మైనార్టీ మహిళా ఐక్య వేదిక వ్యవస్థాపక అధ్యక్షురాలు పట్నం రాజేశ్వరి డిమాండ్ చేశారు. కర్నూలు నందలి స్థానిక పూలే సర్కిల్ లో పూలే విగ్రహంపై దాడి సంఘటనను నిరసిస్తూ ఎస్సీ ఎస్టీ బిసి మైనార్టీ సంఘాల ప్రతినిధులు నిరసన కార్యక్రమాన్ని నిర్వహించడం జరిగింది. ఈ కార్యక్రమంలో బీసీ సంఘం నాయకుడు నక్కలమిట్ట శ్రీనివాసులు, శేషఫణి, నంది విజయలక్ష్మీ, ఖధీరుల్లా, కెవిపిఎస్ ఆనందబాబు బిసి ఎస్సీ ఎస్టీ మైనార్టీ విద్యార్థి సమాఖ్య రాష్ట్ర అధ్యక్షులు భరత్ కుమార్ ఆచారి, ఎరుకల హక్కుల పోరాట సమితి రాష్ట్ర అధ్యక్షులు రాజు లు పాల్గొన్నారు. ఈ సందర్భంగా ఎస్సీ ఎస్టీ బీసీ మైనార్టీ మహిళా ఇక వేదిక వ్యవస్థాపక అధ్యక్షురాలు పట్నం రాజేశ్వరి, బిసి సంఘం నాయకుడు నక్కలమిట్ట. శ్రీనివాసులు లు ధర్నాను ఉద్దేశించి మాట్లాడుతూ ఛత్రపతి శివాజీ మహారాజ్ విగ్రహం పెట్టాలని ఆర్ఎస్ఎస్ కార్యకర్తలు పూలే విగ్రహాన్ని కూలగొడుతూ కాళ్ళతో తన్ని అవమానించడం జరిగిన సంఘటన బహుజనుల ఆత్మగౌరవానికి సంబంధించినది అని వారి మనోభావాలను కించపర్చడమే అని వారు తెలిపారు. ఛత్రపతి శివాజీ మహారాజ్ చరిత్రను తొక్కి పెడితే , మహాత్మా జ్యోతిరావు పూలే, శివాజీ మహారాజ్ చరిత్రను వెలికి తీసి, మొట్టమొదటి సారిగా శివాజీ మహారాజ్ జయంతిని ఘనంగా నిర్వహించినది మహాత్మా జ్యోతిరావు పూలే చెప్పిన వాస్తవ చరిత్రను తెలుసుకోకుండా మహాత్మా జ్యోతిరావు పూలే పై దాడి చేయడం సిగ్గుచేటు అని వారు అన్నారు. పూలే గారి విగ్రహంపై దాడి చేసి ఎస్సీ ఎస్టీ బిసి మైనార్టీల వర్గాలను అవమానించిన ఆర్ఎస్ఎస్ కార్యకర్తలు మనువాదుల పై చట్టపరమైన చర్యలు చేపట్టి తక్షణమే అరెస్టు చేయాలని లేని పక్షంలో ఛలో తెల్లాపూర్ కు బహుజనులు పిలుపునిచ్చి తెలంగాణ ప్రభుత్వ వైఖరిని ఎండగడతామని వారు హెచ్చరించారు. ఈ కార్యక్రమంలో సమాచారం హక్కు చట్టం ప్రతినిధి జయన్న, బేడ బుడగ జంగం సంక్షేమ సంఘం నాయకులు చిరంజీవి, పెరికల రంగస్వామి, కాంగ్రెస్ నాయకులు మల్లిఖార్జున, కంది వరుణ్ కుమార్, సత్యనారాయణ మరియు బిఎస్పీ నాయకులు అరుణ్ కుమార్, రాజ్ కుమార్, మహిళా ఐక్య వేదిక నాయకులు వగ్గ ఈరమ్మ , కటికె భాను, పద్మావతి, ఎలీసమ్మ , కొమ్ము పెద్దక్క, అమీనాబీ, రంగమ్మ తదితరులు పాల్గొన్నారు.
Admin
E Nivas News
మరిన్ని వార్తలు
Developed By :
